მოგზაურობის დაგეგმვის დროს, მნიშვნელია იცოდე, რომ 5–6 კვირით ადრე შეძენილი ავიაბილეთებით მნიშვნელოვნად დაზოგავ ბიუჯეტს. ავიაბილეთის ფასი დინამიურია და ფრენის თარიღის მოახლოებასთან ერთად იცვლება.
ყველაფრის მიუხედავად, იდეალურად დაგეგმილი მოგზაურობის დროსაც კი შეიძლება გარკვეულ პრობლემებს შეხვდე, როგორიც არის რეისის გადადება, გაუქმება და ა.შ., მნიშვნელოვანია იცოდე შენი უფლებები.
სწორედ ამ საკითხზე ვესაუბრეთ ჰელფ.ქომ.ჯის წამომადგენელს:
1. რამ გადაგაწყვეტინათ ამ იდეაზე მუშაობა და სისრულეში მოყვანა?
2017 წელს, ევროპაში გამგზავრებისას, თავად შემექმნა პრობლემა. გამოსავლის ძიებისას ამ სერვისს წავაწყდი. აღმოვაჩინე, რომ ასეთი სერვისი საქართველოში არ არსებობდა და გადავწყვიტე ეს მიმართულება ჩვენს ქვეყანაშიც განმევითარებინა.
საქართველოში დაბრუნებისთანავე ჩემს პარტნიორთან ერთად შევქმენი კომპანია და დავიწყეთ მგზავრთა უფლებების დაცვასა და ზოგადად, ამ სერვისის პოპულარიზაციაზე მუშაობა.
2. მოგვიყევით კომპანიის შესახებ?
ბაზარზე 2017 წლიდან ვოპერირებთ. მალევე მივაღწიეთ იმას, რომ გაჩნდა მზარდი მოთხოვნა ამ სერვისზე. საგრძნობლად გაიზარდა ცნობიერება მგზავრთა უფლებების დაცვის კუთხითაც. ამას იმანაც შეუწყო ხელი, რომ ბაზარზე ბევრი კონკურენტი კომპანია გამოჩნდა. ბუნებრივია, კონკურენციის პირობებში, სექტორიც ნელ-ნელა განვითარდა. იმ პერიოდში ჩვენმა შედეგებმა მოლოდინს გადააჭარბა. მივხვდით, რომ საჭირო იყო მასშტაბური ცვლილებები.
2022 წელს კომპანიის რებრენდინგი დავასრულეთ. მომხმარებლებს შევთავაზეთ ახალი, გამარტივებული ვებ-გვერდი help.com.ge. აქ რამდენიმე წუთში შეუძლიათ შეავსონ ონლაინ განაცხადი და გაიგონ რა მოცულობის კომპენსაცია ეკუთვნით.
განაცხადის შევსების შემდეგ, ჩვენი იურისტების გუნდი უკავშირდება ავიაკომპანიას და გადის ყველა საჭირო პროცედურას კომპენსაციის მისაღებად.
3. რა სირთულეებს წააწყდით მუშაობის დროს?
მიუხედავად იმისა, რომ მგზავრთა უფლებების შესახებ საზოგადოებაში ცნობიერება საკმაოდ გაიზარდა, პრობლემად ამ მიმართულებით ჯერ კიდევ არასაკმარისი გათვითცნობიერება შეიძლება მივიჩნიოთ. ხშირად მომხმარებლებს არ აქვთ ინფორმაცია მათი უფლებების შესახებ და არ იყენებენ კომპენსაციის მიღების შესაძლებლობას.
4. რამდენი შემთხვევა გაქვთ განხილული ?
გაუქმებულ ან 3 საათზე მეტი დროით დაგვიანებულ ფრენაზე კომპენსაციის მოთხოვნას არეგულირებს ევრო რეგულაცია #261, რომელიც ვრცელდება ევროკავშირის ქვეყნებიდან მესამე ქვეყნების მიმართულებით ან პირიქით განხორციელებულ ფრენებზე. მხოლოდ ამ შემთხვევაში, რეისს ევროპული ავიახაზი უნდა ასრულებდეს.
ჩვენ დღემდე მოგებული გვაქვს 200-ზე მეტი მსგავსი რეისი და მოვემსახურეთ 3000-ზე მეტ მგზავრს.
5. რა შემთხვევაში აქვს განმცხადებელს უარი კომპენსაციაზე? ვიცი რომ ყველა შემთხვევა ინდივიდუალურია, მაგრამ არსებობს გარკვეული შეზღუდვები?!
განსაკუთრებული ვითარების, ფორსმაჟორის, დროს, ავიაკომპანია თავისუფლდება კომპენსაციის გადახდისგან. ფორსმაჟორად ითვლება უამინდობა, საჰაერო ნავიგაციის მიერ აფრენაზე ან დაფრენაზე შეზღუდვა, აეროპორტის პერსონალის გაფიცვა და სხვა. ავიაკომპანია ასევე თავისუფლდება კომპენსაციის გადახდის პასუხისმგებლობისგან, თუ მგზავრს რეისის გაუქმების შესახებ 2 კვირით ადრე მიაწოდებს ინფორმაციას.
ზოგადად, მომხმარებლებს აქვთ შესაძლებლობა კომპენსაციის მიღების მოთხოვნით რამდენიმე წლის წინ გადადებულ/გაუქმებულ რეისებზეც მოგვმართონ. თუმცა, გასათვალისწინებელია შემთხვევის ხანდაზმულობის საკითხიც. ევროკავშირის ქვეყნების მიხედვით განსხვავდება და მერყეობს 2-დან 5 წლამდე. მნიშვნელოვანია მგზავრმა გაითვალისწინოს აღნიშნული ვადები, განაცხადი შესაბამის პერიოდში შეფერხებით განხორციელებულ ფრენაზე დააფიქსიროს. მგზავრმა ასევე უნდა გაითვალისწინოს, რომ კონკრეტულ შემთხვევაზე განაცხადის დაფიქსირება შეუძლია მხოლოდ ერთხელ. თუ მას თავადაც აქვს სარჩელი დაფიქსირებული ან უკვე მიმათული აქვს სხვა სააგენტოსთვის, ხდება პროცესის დუბლირება, რაც მნიშვნელოვნად ზრდის კომპენსაციის მიღების ვადებს.
6. გაუქმებული ფრენების ძირითადი ნაწილი რომელ ავიაკომპანიებზე მოდის?
გაგვიჭირდება მსგავსი სტატისტიკის მოწოდება. თუმცა, ჩვენი გამოცდილებით, ყველაზე ხშირად მგზავრები მოგვმართავენ შემდეგი ავიაკომპანიების მიერ განხორციელებული ავიარეისების შეფერხებით განხორციელების შემთხვევაში: ვიზეარი, თურქეთის ავიახაზები, ლოტი (პოლონური ავიახაზები), ეარ ბალტიკა, ლუფთჰანზა, პეგასუსი, აეგეანი და ა.შ. შესაბამისად, ჩვენს მიერ წარმატებით დასრულებული შემთხვევებიც აღნიშნულ ავიაკომპანიებზე მოდის.
7. მსოფლიოს მასშტაბით ანაზღაურებულ ფრენებზე სტატისტიკა გაქვთ?
ანაზღაურებული ფრენების და მგზავრებზე გაცემული კომპენსაციის მოცულობების ზუსტი სტატისტიკა ავიაკომპანიების ჭრილში არ არსებობს. თუმც, მონაცემების მიხედვით, მსოფლიოს მასშტაბით წლიურად შესრულებული ფრენების დაახლოებით 2% მოდის შეფერხებულ ფრენებზე. შესაბამისად, უნდა ვივარაუდოთ, რომ ავიაკომპანიებს არც თუ ცოტა დანახარჯი აქვთ მგზავრთა უფლებების დაცვის მიმართულებით. განსაკუთრებით კი ისეთ ქვეყნებში, სადაც ამ მხრივ მაღალია მგზავრების ცნობიერების დონე. ჩვენი კომპანიის მიზანიც სწორედ ესაა, რომ გავზარდოთ ამ მხრივ ცნობიერების დონე საქართველოში და რაც შეიძლება მეტ მგზავრს დავეხმაროთ მათი უფლებების დაცვასა და კუთვნილი კომპენსაციის მიღებაში.
8. განსხვავდება საქართველოში ფრენების კომპენსირების მექანიზმი ან მიდგომები სხვა ქვეყნებში არსებული პრაქტიკისგან?
ევროკავშირსა და საქართველოში კომპენსაციის მოთხოვნა პროცედურულად მსგავსია. ისევე როგორც ევროპის ქვეყნებში, ჩვენთვისაც საჭიროა მომხმარებლის მხრიდან ანაზღაურების მიღებაზე განაცხადის შევსება, შესაბამისი დოკუმენტაციის (საიდენთიფიკაციო დოკუმენტაცია, ავიბილეთ(ებ)ი, დამატებითი ხარჯის დამადასტურებელი ქვითრები და სხვა) წარმოადგინა და მინდობილობის დამოწმება, რომლის საფუძველზეც ჩვენ გვენიჭება უფლებამოსილება კომპენსაციის მიღების პროცესში დავიცვათ კონკრეტული მგზავრის ინტერესები.
9. რატომ უნდა მოგმართოთ თქვენ გადადებული ფრენის კომპენსაციისათვის?
კომპენსაციის ანაზღაურების კუთხით მოქალაქეობრივი შეზღუდვა არ არსებობს. მაგრამ ვფიქრობ, ქართველი მომხმარებლისთვის ბევრად კომფორტულია მომართოს ჩვენს კომპანიას. გარდა იმისა, რომ ჩვენ გვაქვს მომხმარებლისთვის მაქსიმალურად გამარტივებული ანაზღაურების მიღების პროცესი, ასევე გვაქვს ამ სფეროში დიდი გამოცდილება და ანაზღაურებული ფრენების შთამბეჭდავი მაჩვენებელიც. უკვე გვყავს 3000-ზე მეტი კმაყოფილი მომხმარებელი და ვპარტნიორობთ წამყვან ავიაკომპანიებთან. ჩვენს ვებ-გვერდზე help.com.ge სულ რაღაც 5 წუთამდე სჭირდება განაცხადის შევსებას. რის შემდეგაც მომხმარებლის უფლების დაცვა უკვე ჩვენი პასუხისმგებლობაა. ყოფილა შემთხვევები, როცა ჩვენ სასამართლოშიც მოგვიწია ჩვენი მომხმარებლების უფლების დაცვა. დამეთანხმებით, რომ მგზავრისთვის მსგავსი პროცესის დამოუკიდებლად წარმოება საკმაოდ რთულია. ამიტომაც ვთვლი, რომ პროცესის სიმარტივე, გამოცდილება და კომპეტენცია არის ჩვენი მთავარი უპირატესობა. სწორედ ეს იყო ჩვენი რებრენდინგის ინსპირაცია. ჩვენი მიზანია ჩვენი კომპანიის სახელწოდება რეალურ საქმედ იქცეს და შევძლოთ ყველა იმ მგზავრის დახმარება, რომელიც მოგვმართავს.
10. როგორია თქვენი კომპანიის განვითარების სამოქმედო გეგმა?
საერთაშორისო ბაზარზე ხომ არ აპირებთ გასვლას?
ჩვენი უახლოესი გეგმა უკავშირდება საქართველოს ბაზარზე პენეტრაციის მაქსიმალურად გაზრდას. მოგვიანებით კი, ვფიქრობთ საერთაშორისო ბაზარზე გასვლასაც იმ ქვეყნებში, სადაც მსგავსი სერვისი ჯერ კიდევ არ არსებობს და დიდია მისი განვითარების პოტენციალი.
・თუ ბოლო 3 წლის განმავლობაში თქვენი რეისი გადაიდო ან გაუქმდა, არც ახლა არის გვიან მოითხოვო კომპენსაცია.
・თუ დაგეგმილი ფრენის გაუქმების შესახებ რამდენიმე საათით ადრე შეგატყობინეს, გაითვალისწინე:
・შეინახეთ ბილეთები და ყველა ის დოკუმენტი, რომელიც ავიაკომპანიამ გადმოგცა.
・ავიაკომპანია ვალდებულია უზრუნველყოს შენი კვება. შეინახე შენი ხარჯით შეძენილი საკვების ქვითრები.
საცხოვრებელი, დაფაროს ტრანსპორტის ხარჯები აეროპორტიდან და უკან.
%2C%20%E1%83%A1%E1%83%90%E1%83%A5%E1%83%90%E1%83%A0%E1%83%97%E1%83%95%E1%83%94%E1%83%9A%E1%83%9D&fromAirport%5Bvalue%5D=TBS&fromAirport%5BisCity%5D=true&fromAirport%5Blogo%5D=https%3A%2F%2Ffly.ge%2Fwp-content%2Fthemes%2Ffly-ge%2Fimg%2Flocation_city-24px.svg&toAirport%5Blabel%5D=%E1%83%9E%E1%83%90%E1%83%A0%E1%83%98%E1%83%96%E1%83%98%20(PAR)%20FRANCE&toAirport%5BisCity%5D=true&toAirport%5Bvalue%5D=PAR&startDate=2023-12-22&endDate=2023-12-22&flyDirections=1&adults=1&kids=0&babies=0&handicapped=0&tktClass=ECONOMY){kind=link}
%2C%20%E1%83%A1%E1%83%90%E1%83%A5%E1%83%90%E1%83%A0%E1%83%97%E1%83%95%E1%83%94%E1%83%9A%E1%83%9D&fromAirport%5Blogo%5D=https%3A%2F%2Ffly.ge%2Fwp-content%2Fthemes%2Ffly-ge%2Fimg%2Flocation_city-24px.svg&fromAirport%5Bvalue%5D=TBS&handicapped=0&kids=0&toAirport%5Blabel%5D=%E1%83%91%E1%83%94%E1%83%A0%E1%83%9A%E1%83%98%E1%83%9C%E1%83%98%20(BER)%2C%20%E1%83%92%E1%83%94%E1%83%A0%E1%83%9B%E1%83%90%E1%83%9C%E1%83%98%E1%83%90&toAirport%5Bvalue%5D=BER&toAirport%5BisCity%5D=true&toAirport%5Blogo%5D=https%3A%2F%2Ffly.ge%2Fwp-content%2Fthemes%2Ffly-ge%2Fimg%2Flocation_city-24px.svg&tktClass=ECONOMY){kind=link}
%2C%20%E1%83%A1%E1%83%90%E1%83%A5%E1%83%90%E1%83%A0%E1%83%97%E1%83%95%E1%83%94%E1%83%9A%E1%83%9D&fromAirport%5Blogo%5D=https%3A%2F%2Ffly.ge%2Fwp-content%2Fthemes%2Ffly-ge%2Fimg%2Flocation_city-24px.svg&fromAirport%5Bvalue%5D=TBS&handicapped=0&kids=0&toAirport%5Blabel%5D=%E1%83%95%E1%83%94%E1%83%9C%E1%83%94%E1%83%AA%E1%83%98%E1%83%90%20(VCE)%2C%20%E1%83%98%E1%83%A2%E1%83%90%E1%83%9A%E1%83%98%E1%83%90&toAirport%5Bvalue%5D=VCE&toAirport%5BisCity%5D=true&toAirport%5Blogo%5D=https%3A%2F%2Ffly.ge%2Fwp-content%2Fthemes%2Ffly-ge%2Fimg%2Flocation_city-24px.svg&tktClass=ECONOMY){kind=link}
%2C%20%E1%83%A1%E1%83%90%E1%83%A5%E1%83%90%E1%83%A0%E1%83%97%E1%83%95%E1%83%94%E1%83%9A%E1%83%9D&fromAirport%5Blogo%5D=https%3A%2F%2Ffly.ge%2Fwp-content%2Fthemes%2Ffly-ge%2Fimg%2Flocation_city-24px.svg&fromAirport%5Bvalue%5D=TBS&handicapped=0&kids=0&toAirport%5Blabel%5D=%E1%83%90%E1%83%9C%E1%83%A2%E1%83%90%E1%83%9A%E1%83%98%E1%83%90%20(AYT)%2C%20%E1%83%97%E1%83%A3%E1%83%A0%E1%83%A5%E1%83%94%E1%83%97%E1%83%98&toAirport%5Bvalue%5D=AYT&toAirport%5BisCity%5D=true&toAirport%5Blogo%5D=https%3A%2F%2Ffly.ge%2Fwp-content%2Fthemes%2Ffly-ge%2Fimg%2Flocation_city-24px.svg&tktClass=ECONOMY){kind=link}