„ევროპის წამყვანი დაბალბიუჯეტიანი ავიაკომპანია 2023“ – Wizz Air რიგით 30-ე მსოფლიო ტურიზმის დაჯილდოების გამარჯვებულია.
მსოფლიო ტურიზმის ჯილდო, იმ კომპანიებს გადაეცემათ რომლებიც მოგზაურობისა და ტურიზმის სფეროში განსაკუთრებით ინოვაციური და წარმატებული შედეგებით გამოირჩევიან.
„ჩვენთვის დიდი პატივია, რომ ჟიურიმ Wizz Air აირჩია ამ პრესტიჟული ჯილდოსთვის. ეს კიდევ ერთხელ ადასტურებს, რომ ჩვენი ვალდებულება მომხმარებელთა მაღალი დონის მომსახურებისა და მდგრადი ფრენისადმი არის სწორი გზა. ეს აღიარება გამოხატავს ჩვენი შრომისმოყვარე გუნდისა და ჩვენი მგზავრების ერთგულებას“. – განაცხადა Wizz Air-ის კომუნიკაციების უფროსმა მენეჯერმა ანდრაშ რადომ, ჯილდოს გადაცემის დროს.
მხოლოდ გასულ წელს, ავიაკომპანია 45 მლნ-ზე მეტ მგზავრს მოემსახურა. კომპანია ამაყობს ეფექტური წვის თვითმფრინავებით, რომელიც გარემოს ნაკლებ ზიანს აყენებს და პოზიციონირდება, როგორც ყველაზე ეკოლოგიური ავიიაკომპანია.